Blossom Blog

អ្នកស្ម័គ្រចិត្តចូលធ្វើ «កងទ័ព Hacker» អ៊ុយក្រែនកើនដល់ ២៦មុឺននាក់ប្រឆាំងរុស្ស៊ី

By Chheun LinMarch 03, 2022No comments

គិតមកទល់ថ្ងៃនេះចំនួនអ្នកស្ម័គ្រចិត្តចូលរួមជាITArmyឬCyberArmyមានចំនួន២៦០០០០នាក់ចូលប្រឡូកក្នុងសង្រ្គាមCyberAttackជួយអ៊ុយក្រែនប្រឆាំងនឹងរុស្ស៊ី។

រដ្ឋមន្រ្តីក្រសួងបច្ចេកវិទ្យាឌីជីថលអ៊ុយក្រែន

យោងតាមប្រភពពីទីភ្នាក់ងារសារព័ត៌មានបារាំងAFPដែលបញ្ចេញនូវទិន្នន័យដ៏សំខាន់មួយនេះបានបញ្ជាក់បន្ថែមទៀតថាពួកគេទាំងនោះសុទ្ធតែអ្នកជំនាញនិងមានទេពកោសល្យផ្នែកCyber។តួលេខទាំងនោះមកពីគ្រប់បណ្ដាប្រទេសជុំវិញពិភពលោកនិងជាអ្នកជំនាញអ៊ុយក្រែនមួយចំនួនធំដែរ។

ក្រោយការប្រកាសស្នើរសុំជំនួយពីជារដ្ឋមន្រ្តីក្រសួងបច្ចេកវិទ្យាឌីជីថលអ៊ុយក្រែនចំនួននេះបានកើនឡើងយ៉ាងគំហុក។លើសពីនេះពួកគេមានគោលដៅធំៗ៣១ត្រូវវាយប្រហារក្នុងនោះមានគោលដៅ១០វាយប្រហារជោគជ័យដូចជា៖ប្រព័ន្ធក្រុមហ៊ុនផ្គត់ផ្គង់ប្រេងដ៏ធំរបស់រុស្ស៊ីGazprom,ប្រព័ន្ធធនាគារ,គេហទំព័រភ្នាក់ងារសម្ងាត់នានានិងក្រុមហ៊ុនISPផ្តល់សេវាកម្មអ៊ឺនធើណិតជាច្រើននៅរុស្ស៊ីជាដើម។លើសពីនេះទៀតគេរកឃើញថាវិបសាយចំនួន១៥០០ទាក់ទងនឹងរដ្ឋាភិបាលរុស្ស៊ី-បេឡារុសក៏ត្រូវបានរំខានដែរ៕

Telegram ជាប់ជាគោលដៅធំ Hacker ត្រៀមវាយប្រហារឲ្យគាំងប្រើលែងកើត

By Chheun LinMarch 03, 2022No comments

Telegram កំពុងក្លាយជាកម្មវិធីទូរសព្ទដ៏ពេញនិយមជាងគេ ដែលពលរដ្ឋរុស្ស៊ីប្រើប្រាស់ក្នុងការ តាមដានព័ត៌មានជាអត្ថបទនិងវីដេអូនានា។ លើសពីនេះ វាក៏កំពុងជាគោលដៅរបស់ក្រុមហេគឃ័រ។

លោក Pavel Durov ស្ថាបនិក Telegram

លោក Pavel Durov ស្ថាបនិក Start-up ជនជាតិរុស្ស៊ីលើកឡើងថា៖ “Telegram នឹងដើរតួនាទីថ្មីមួយទៀតក្នុងការបន្ថែមប្រព័ន្ធសុវតិ្ថការពារជូនដល់អ្នកប្រើប្រាស់ទាំងអស់រួមទាំងពលរដ្ឋរុស្ស៊ីស្ថិតក្នុងបរិបទកំពុងក្តៅគគុកលើការវាយប្រហារតាមអ៊ឺនធើណិតរវាងអ៊ុយក្រែននិងរុស្ស៊ី។ ទោះបីឥឡូវនេះនៅមិនទាន់មានករណីលេចចន្លោះប្រហោងណាមួយកើតឡើងក៏ដោយ”។

Telegram បង្កើតឡើងឆ្នាំ ២០១៣ ហើយលោកត្រូវបានគេដឹងជា មនុស្សម្នាក់ដែលគាំទ្ររដ្ឋាភិបាលលោកពូទីន។ បើគិតលើស្ថិតិប្រជាជនរុស្ស៊ីចំនួន ១៤៤ លាននាក់ក្នុងនោះគេរកឃើញមាន ៦១% ដំឡើង Telegram ក្នុងទូរសព្ទ ឯ ចំណែកទីផ្សារ Social media ធំជាងគេលើនៅរុស្ស៊ីគឺ តេឡេក្រាម។

រយៈពេលប៉ុន្មានថ្ងៃមកនេះ ក្រៅពីដំណឹងអាប់ឌែតថ្មីក្នុងសង្គ្រាមរុស្ស៊ី-អ៊ុយក្រែន គេដឹងពលរដ្ឋរុស្ស៊ី ចែកចាយដំណឹងនានាដូចជា៖ ស្ថានភាពសេដ្ឋកិច្ច(តម្លៃប្រេង,រូបិយប័ណ្ណ) និងស្ថានភាពធនាគារនានា។

និយាយដោយឡែក សូម្បីតែអ្នកសារព័ត៌មាន, អ្នកនយោបាយ, អ្នកតំណាងអង្គការអន្តរជាតិធំៗ ក៏កំពុងប្រើប្រាស់ Telegram ជាមធ្យោបាយតាមដានដំណឹងជាប្រចាំផងដែរ។ ដូចនេះសូមអ្នកប្រើប្រាស់ប្រុងប្រយ័ត្ន បើអាចសូមចូលទៅកំណត់ Two-Factor និងដាក់លេខសម្ងាត់ឲ្យខ្លាំង ដើម្បីធានាសុវត្ថិភាពជៀសវាងខាតបង់បើកើតមានការវាយប្រហារ៕